كشف محمد عنتر، نجم الزمالك السابق والمقاولون العرب، كواليس صادمة عن فترة وجوده داخل النادي الأبيض تحت قيادة السويسري كريستيان جروس، المدير الفني الأسبق للفريق.

أخبار متعلقة

وقال محمد عنتر، خلال حواره في برنامج «ملعب أون تايم»، المذاع عبر فضائية «أون تايم سبورتس»: «جروس، هو سبب رحيلي عن نادي الزمالك، أنا كان لازم أطور من أدائي لكن كان في حاجات حصلت معانا مكنتش ترضي ربنا».

وأضاف: «جروس، مكنش بيلعبني أنا وأحمد مدبولي وأيمن حفني، مرتضى منصور، كان دايمًا يقوله إحنا مش بنلعب ليه، جروس، كان يقوله هلاعبهم وكان ياخدنا في مباريات أفريقيا ومبندخلش القايمة».

وتابع: «كان في لعيبة بتهدد جروس، أنها لو ملعبته هتعمل معاه مشاكل، اللعيبة دي مش موجودة في الزمالك ولكن بيلعبوا حاليًا».

وواصل: «جروس، قبل كدة طلب من مرتضى منصور، تقديم بلاغ في قسم الشرطة ضد أحد اللاعبين».