طريقة تحضير الشوريك فى البيت

( الشريك )
مقدم من الشيف مروة أمارة
المكونات :
نص كيلو دقيق
معلقه كبيره خميره
معلقه صغيره بيكنج بودر
٢ معلقه كبيره سكر
٢ معلقه كبيره لبن بودره
٢ معلقه كبيره زبده
٢ معلقه كبيره زيت
بيضه + فانيليا
رشة ملح
ميه دافيه للعجن

التلميع :
بيضه مخفوقه
رشة نسكافيه
سكر

الطريقه :
في بوله نضع المكونات الجافه الدقيق و الخميره و البيكنج بودر و السكر و اللبن البودره و نقلبهم و نضيف الزبده و الزيت و نفركهم مع الدقيق و بعدين نضيف البيضه و نبدأ نعجن و نضيف المايه تدريجي لحد ما العجينه تلم معانا و نستمر في العجن لمدة ١٠ دقايق و بعدين نغطيها و نتركها تخمر في مكان دافي و لما تخمر نبدأ نشكلها ، ثم نقسم العجينه لكور و بعدين ناخد كل كوره و نفردها اسطوانه طويله و رفيعه و نبدأ نلفها حولين نفسها و نرص في الصنيه و لما نخلص الكميه نقلب البيض مع النسكافيه و ندهن الوجه بالفرشه و نرش عليه سكر و نغطي و نتركه يخمر تاني .

التسويه :
ندخله فرن سخن على درجة حراره ٢٢٠ لحد ما يرتفع و ياخد لون من تحت و بعدين نشعل الشوايه لحد ما ياخد اللون الدهبي و نطلعه من الفرن و ممكن ندهنه بسيرب خفيف اول ما يطلع لو بنحبه مسكر أو نسيبه زي ما هو حسب الذوق و بألف هنا .

ظهرت المقالة طريقة تحضير الشوريك فى البيت أولاً على جريدة المساء.