عبر أحمد حسام ميدو نجم الزمالك السابق، عن غضبه العارم لما يمر به الفارس الأبيض مؤخرا، ومعاناة النادي من الأزمة المالية، بعد قرار سحب أرض 6 أكتوبر.

أخبار متعلقة

وقال ميدو خلال تصريحات عبر برنامجه «أوضة اللبس» على قناة النهار: «جمهور الزمالك بيكلم نفسه بسبب سحب أرض أكتوبر، ورئيس الوزراء نفسه أقر بصحة أوراق نادي الزمالك في الأرض دي، والجماهير بتطالب إن الأرض ترجع لحوزة النادي بما لا يخالف القانون بكل تأكيد».

وأضاف: «مش قادر أفهم إزاي سايبين نادي بحجم نادي الزمالك في كل هذه الأزمات والمشاكل؟ والله أنا هتجنن، مش فاهم حاجة ولا فاهم إيه اللي بيحصل، هل في مسؤول في الدولة يرضى إن الزمالك يحصل فيه كل ده؟»

وشدد على: «من حق جمهور الزمالك يفهم الأرض اتسحبت ليه، سواء بخطأ من الإدارة أو خطأ في الأوراق، لازم الجمهور يعرف السبب. نفسي في حياتي أشوف الزمالك نادي عادي بيمارس حياته بشكل طبيعي بدون أزمات».