علق سيد عبدالحفيظ، مدير الكرة السابق بالنادي الأهلي، على التصريح المنسوب إليه عبر البرامج المتلفزة بشأن مقارنة محمد صلاح نجم ليفربول بـ محمود الخطيب أسطورة النادي الأهلي، ورئيس القلعة الحمراء حاليًا.

أخبار متعلقة

وكانت البرامج تداولت تصريح مزعوم لـ سيد عبدالحفيظ، وقال فيه «محمد صلاح لعيب كبير بس لسه قدامه كتير عشان يوصل لـ محمود الخطيب».

وقال عبدالحفيظ في تصريحات تليفزيونية عبر شاشة «إم بي سي مصر»: «في تصريح أنا مقولتوش الناس في البرامج التليفزيونية بتناقشه، وأنا مقولتوش أصلًا».

وأضاف: «مستحيل أنا أقوله، والسبب أن ضد المقارنات بين جيل وجيل، إزاي ده يحصل مقارنة بجيل في السبعينات بدلوقتي، لأن نفس المعطيات مش موجودة والأحداث والظروف مش هي هي».

وأكمل: «وبعدين ليه ميبقاش عندنا أسطورة واتنين وتلاتة، محمود الخطيب في الأهلي، وحسن شحاتة في الزمالك، ومحمد صلاح أسطورة عالمية، ليه الناس عايشة تنكش في أي حاجة».