كشف ياسر إبراهيم نجم النادي الأهلي، عن سر خطير حول زميله في الفريق أكرم توفيق، في مباراة فاركو الأخيرة بالدوري، قبل رحيله عن القلعة الحمراء.

أخبار متعلقة

وكان الأهلي وجه الشكر لثلاثي الفريق الأول لكرة القدم رامي ربيعة وأكرم توفيق وحمزة علاء بعد نهاية عقودهم.

وقال ياسر إبراهيم في تصريح تليفزيوني عبر شاشة «إم بي سي مصر»: «اتمنى الخير والتوفيق لـ أكرم توفيق، في لعيب بيبقى ماضي مع فريق والمفروض مش فارقله يلعب أو ميلعبش المهم أروح الفريق الجديد سليم ومتصابش، ولكن أكرم توفيق مش كدة».

وأضاف: «أكرم توفيق كان بيبقى مصر إنه يبقى موجود في كل الماتشات، بيتمرن وبيلعب الماتشات بقلب وبرجولة».

وتابع: «في حاجة عايز أقولها، أكرم لما عرف إنه مش هيلعب واحنا في الباص غضب، كان زعلان جدًا جدًا، مش عشان ملعبش بس عشان عايز يشارك ويعمل حاجة قبل ما يمشي».

وأوضح: «أكرم توفيق كان بيعيط في الباص، وكان هيموت ويلعب أخر ماتش ليه».