قال جهاد جريشة الحكم الدولي السابق إنه إعتذر مرة واحدة في تاريخه عن خطأ في مباراة للأهلي ضد الرجاء بالدوري المصري ولم يكرر الأمر مرة ثانية.

أخبار متعلقة

وقال جريشة في تصريحات لبودكاست «فنجان شاي» : «اعتذرت مرة واحدة في العمر متكررتش تاني».

وأضاف جريشة: «كنت في كاس العالم شباب نيوزيلندا 2015 وكان معايا الحكم الأسباني لاهوز كان جاي من مباراة برشلونة وريال مدريد وكان فريق ريال مدريد تضرر من أخطاء الحكم، ولكن لاهوز بعد الماتش كتب اعتذار عن الخطأ، والناس تقبلت ومفيش مشكلة».

وأشار جريشة: «رجعت من نيوزيلندا وكان اول ماتش الاهلي والرجاء المطروحي وجاي بنشوة لعب أربع ماتشات في كأس العالم للشباب وأول بطولة في الفيفا، وبقيت مؤهل للمشاركة في 2018، ولما جالي الأهلي والرجاء قلت ماتش مش ند للند وحسبت ضربة جزاء على الأهلي بكل ثقة».

وتابع جريشة: «بعد ما حسبت ضربة جزاء على الأهلي ما فيش لاعب اعترض في الملعب وده على غير الطبيعي دايما لما تحسب ضربة جزاء على الأهلي أو الزمالك تلاقي الاعتراض غير طبيعي وكنت واثق من اللعبه مليون الميه مفيش لعيب قالي انت بتعمل ايه لما روحت شفتها لقيت تمثيل واضحة ووفتها افتكرت لاهوز، وقولت أعمل زي لاهوز واعتذرت بس رد الفعل كان صعب قوي من جمهور الزمالك طبعا ساعتها والاعلام اشتغل عليه بطريقه صعبه فكان طبعا موقف صعب ومنساهوش ومكررتوش ثاني اللي بيحصل في أوروبا ما ينفعش يحصل عندنا».