هاجم الإعلامي أحمد شوبير، هاني أبوريدة رئيس مجلس إدارة اتحاد الكرة، بسبب أسلوب إدارة الاتحاد موخرًا وأزمة القمة الشهيرة بين الأهلي والزمالك.

أخبار متعلقة

وقال أحمد شوبير في تصريحات إذاعية: «اتحاد الكرة لازم اللي يدير يكون من جوا الاتحاد، مينفعش يدار من بره».

وأضاف: «أنا بقول للمهندس هاني أبوريدة زي ما انت مركز بره لازم تركز جوه لأن دا كمان مهم جدا، وعين حد لو عايز مثلا عين مستشار فني براحتك، عشان برضه يبقي له قيمة».

وتابع: «يا بشمهندس هاني أزمة التحيكم بتاعت ماتش الأهلي والزمالك سببها كان مين؟ انت عارف كويس مين، أنا بقولك بوضوح أنت راجل شديد الاحترام بس زي ما أنت مهتم بـ بره لازم تهتم بـ جوه».

وأكمل: «انت راجل جيت بالتزكية انت ومجلس خلاص في وقت مكنش حد يتوقع أنك ترجع مرة تانية لازم حضرتك تكون قد الثقة في مصر، دي مش كرة، صمم على قرارك ودير من جوه مينفعش من برا».