«عندنا كسل».. أحمد شوبير يوجه 3 نصائح لـ أبوريدة لتقدم الكرة المصرية

وجه الإعلامي أحمد شوبير رسائل قوية لـ هاني أبوريدة رئيس اتحاد الكرة، بعد تأهل منتخب المغرب تحت الـ 20 عاما لنهائي كأس العالم للشباب.

وضمن المنتخب المغربي للشباب التأهل إلى نهائي كأس العالم للشباب بعد فوزًا مثيرًا على نظيره منتخب فرنسا بخماسية مقابل أربعة أهداف، ليحجز موعدًا مع الأرجنتين في نهائي البطولة.

وقال شوبير في تصريحات إذاعية: «مليون مبروك للمنتخب المغربي إنجاز رائع، ويا بشمهندس هاني أبوريدة، أحنا محتاجين حاجتين عشان نعرف نطلع بالكرة المصرية للأمام، رقم واحد ملاعبك لازم تنضف وتبقي كويسة وجيدة، ولازم تبقي على أعلى مستوي، عشان نقدر نطلع لاعيبة كويس ونطلع مسابقات نائشين جيدة ودا اللي في أيدك».

وتابع: «نمرة اتنين شوف تقدر تعمل ايه وتساعد الولاد يحترفوا من صغرهم، ويبقي عندنا عد كبير من اللاعبين محترفين في الخارج ونفدر ننجح بيهم واهو شايف أسماء في أرسنال وليفربول ودا حلو نزود العدد طبعا».

ووواصل: «نمرة تلاتة اعمل فريق اسكاوتنج محترم وعلى مستوي عالي ويكون فيه متابعة، والقصة مفيش فيها دا ابن مين ودا مين وبيعمل ايه خالص، أي حد لو حد كويس وابوه مين وعمه مين هاته، حد مش كويس أبوه مين عمه مبن مشيه، اشتغل عشان نجح الفترة اللي جاية دا مهم جدا عشان نعدي بالكرة المصرية ويكون عندنا مواهب أحنا فقط عندنا الكسل، بنكسل شوية ونستقرب شوية ونستصعب شوية».

أخبار متعلقة