كشف الإعلامي أحمد شوبير، كواليس فوز الجنوب أفريقي، رونوين ويليامز، بجائزة أفضل لاعب داخل قارة أفريقيا لعام 2024، متفوقا على الثنائي المصري، أحمد سيد زيزو وحسين الشحات.

أخبار متعلقة

وقال شوبير في تصريحات على إذاعة «أون تايم سبورتس»: «التنافس كان قوي بين ويليامز حارس صن داونز الممتاز جدا، والثنائي المصري أحمد سيد زيزو وحسين الشحات، وأنا حاولت كده وأنا داخل أشوف الدنيا عاملة ازاي، وبدأت أحس إن ويليامز أقرب من غير محد يقولي».

وأضاف: «كنت قبلها قابلت كابتن حسين لبيب ورئيس الزمالك، وزيزو، لما وصلوا الفندق الساعة 4 قبل الحفلة بساعتين، بعد رحلة مرهقة جدا عن طريق أسطنبول، وزيزو كان متحمس جدا وعنده عشم كبير جدا وهو يستحق للأمانة، وهو يتعامل كنجم بأخلاقه واحترامه وكل حاجة».

وتابع: «لم أعلنوا عن فوز ويليامز، الناس بدأت تجيب صورة من هنا وصورة من هنا، وزيزو كان رايح على أساس أنه أفضل لاعب، أكيد هيكون زعلان، لما مياخدش الجائزة، ونفس الأمر لأشرف حكيمي، نجم المغرب، اللي الدنيا اتقلبت لما خسر الجائزة وبعض الناس المغاربة سابوا القاعة ومشيوا».