أخبار متعلقة

كشف هاني سعيد، المدير الرياضي لنادي بيراميدز، عن موقف ناديه من التعاون مع النادي الأهلي في ملف الصفقات.

وقال هاني سعيد، خلال حواره ببرنامج «الكورة مع فايق»، المذاع عبر فضائية «إم بي سي مصر 2»: «الاحتقان بين الأهلي وبيراميدز، ليس بسبب تصريحاتي، أنا متواجد في النادي منذ 6 سنوات، خلال تلك الفترة لم يصدر مني تصريح فيه إساءة لأي نادي بما فيهم النادي الأهلي».

وأضاف: «لو في حد يقدر يطلعلي تصريح تلفزيوني أنا غلط في أي نادي من أول النادي الأهلي حتى أخر نادي، عمرها ما حصلت»

وتابع: «ساعات بيحصل حالات احتقان وحساسية بيخلقها السوشيال ميديا،بالنسبالي حاجة صعبة جدًا أكتر حاجة بتخلق حساسية وبتحرف حاجات كتيرة وبطلع أخبار كتيرة كذب»

وأتم: «بالطبع نوافق على التعاون مع النادي الأهلي في الصفقات إذا كانت هناك مصلحة مشتركة بين الناديين، مينفعش تطلب مني مصطفى فتحي، وتديني لعيب أنا مش محتاجه وانت مش محتاجهم»، مضيفًا: «في مفاوضات بتحصل بينا وبين الأهلي على لعيبة حتى لو متمش الصفقات»