حذر الإعلامي أحمد شوبير حارس مرمى الأهلي ومنتخب مصر السابق من مشكلة كبيرة تهدد الدوري المصري الممتاز في الفترة المقبلة بعد التعديلات الأخيرة على نظام المسابقة.

أخبار متعلقة

وقال أحمد شوبير: «طبعا عارفين الدوري في الموسم الجديد هيكون مجموعة واحدة عادي في الدور الأول وفي الدور الثاني مجموعتين، كل مجموعة 9 فرق، وفي نهاية الموسم هيبط من كل مجموعة فريق واحد».

اقرأ أيضًا: بعدما اشترط أجانب.. كواليس موافقة الأهلي على خوض السوبر بحكام مصريين

وتابع أحمد شوبير: «أنا قلقان من إنه هيحصل مشاكل كثيرة جدا بعد كده يعني هينزل من عندك فريقين ويصعد 3 فرق، والدوري 18 نادي دلوقتي فكده هيكون عندك 19 فريق الموسم اللي جاي، ومينفعش دوري يبقى 19 فريق».

وأضاف شوبير: «هتقول لي هتعمل مجموعة 10 ومجموعة 9 فأنا بقول لك أهو حط الحلول من دلوقتي عشان الدنيا هتبوظ، أنت هتحل الأزمة سنة أو سنتين وهتخش في أزمات جديدة لسنوات طويلة خاصة إن اتحاد الكرة اللي جاي معندوش أي رفاهية لأي حاجة أتمنى نلحق ونظبط الموضوع ده».